為左我呢個"What can I say?"的Blog可以整齊d，我決定將早前公佈過的"日本の旅"重新放響另一個Blog度，等讀者可以舒服d咁一氣呵成咁睇哂佢，為左隆重其事，梗係要改個好名俾佢啦!綜合番坊間好多旅遊書的書名，好多都係改到見到都覺得好玩咁架喇，例如"聲色犬馬東南亞"、"悠遊遊歐洲"之類咁，咁我去日本丫嘛，當然係以日本為名啦，候選名單包括:
1號 : 去日本，帶現款 (無錢去黎"托"咩)
2號 : 無皇管，逛日本 (因為我地係自由行嘛)
3號 : 有型有款遊日本 (日本咁多靚嘢，就梗係有型有款啦!)
到最後的勝出者，當然係"有型有款遊日本"(勝出原因好明顯，心水清的朋友一定知點解......)，其實響候選名單當中仲有好多唔關事的名出現左，不過唔啱用咁解架姐，例如:"渣住碌竹去曼谷"、"搏大霧，北海道"同埋"係咁嗌，遊杜拜"之類啦........有興趣重溫我同王小姐響日本所見所聞的朋友，可以click去以下呢一個網址度瀏覽http://kinkin-adventure.blogspot.com/，或者響呢個Blog右手面LINKS嗰度有得揀，不過唔知係咪Cookies的問題(係電腦嗰種Cookies，唔係唱歌嗰班)，可能會show唔到個site，大家可以試下清左cookies應該睇到架喇，若然有問題可以留comments俾我(試過覺得點，記得話我知喎.......)。
今集節目時間又差唔多喇，順便提提大家，呢個Kin Kin Adventure仲有大結局"2月11日 - 日本の旅"係未公佈架，密切留意出版日期!!!下集再見!!
3 則留言:
睇唔到喎 !!!!
你可以改post date同time嫁,咁咪唔洗整個個blog啦
改date同time可以係個Edit Post到edit返個post之後係Post and Comment Options之前有個小箭咀,你click一click佢就會出現嫁啦,唔明打電話俾我啦
你個新blog變左白版呀,可能d code亂左呀, 你要去posting的status到click "Republish Entire Blog"呀
發佈留言