有線新聞報導

就我跟王小姐突然現身於有線新聞台8月28日一段訪問之中，故事起因係........

事發日期及時間 : 2006年8月27日，大約下午3時45分
地點 : 灣仔會議展覽中心

我同王小姐響會展的婚紗展正想去睇一間機構提供婚禮監誓人服務，離遠已經見到呢個攤檔比起其他更光，又見到有女記者同另一條攝影師響度影嘢，我心諗呢間應該ok卦，唔係都唔會有人影啦，咁就更加要去睇下有咩service啦，再加上見佢地響度訪問緊一對情侶，心諗有替死鬼之後實唔會攪我地啦，正當我地好專心咁聽緊講解的時候，無端端就好似卡通片咁有碌光柱射住我地，再嚟就有碌籃色咪隊埋去王小姐面前，問佢點解會選擇呢種服務，選擇時會考慮d乜之類的問題，王小姐第一個反應係好似fans咁擰轉面避開，我就因為太專心睇嘢的關係諗住唔理佢，兼我有少少呆呆地無乜反應，就係因為我呢個表現，王小姐就以為我「唔抗拒」接受訪問，之後就促成左我倆透過電子傳媒首次披露婚訊事件喇.........

實情我倆都未睇過片段內容，睇過的朋友不妨於文章下留言，或以e-mail , msn等方式話俾我地到底影左d乜，係咪影得比平日更靚仔(記住係更靚仔，因為本身係靚呢樣嘢我從來無懷疑過....)，又或者王小姐上唔上鏡之類啦，如果有人可以capture到條片俾我更加好添啦!!

彌敦道之迴轉壽司

星期六的晚上，晚餐前，一切安好。

王小姐出巡到旺角做facial，差不多時間我就到旺角跟她食晚飯，決定一試旺角創興廣場側的「北海道壽司」，一進店，已發現不對勁，王小姐問我「乜呢度d侍應個個都好似無厘神氣同黑口黑面咁呢，以前係咪有套戲又係講呢d情況架」，我笑「你係咪想講 "陰陽路八之生化壽屍"呀」.....入座，食左幾碟壽司後，真的想不通為何會有人在門外排隊來吃，魚生不新鮮，壽司飯過酸(不知是過期還是下醋過多)，最好笑是壽司師傅在劏原條三文魚，我在銅鑼灣的板前壽司看過同樣的表演，理應像到拉麵店看師傅即席拉麵一樣，有一定可觀性兼對該店增加認同感，但我們看到的是有兩片魚鱗彈了出我們鄰檯，我們驚呼「嘩!唔係卦，咩黎架」，但師傅完全不知兼自我陶醉於他高超劏魚技巧之中......最後........

星期天的早上，醒來後，身體不適。

天野喜孝畫展

今天去了又一城參觀插畫大師天野喜孝的畫展，展覽主題是「眼中的英雄」，我就收獲甚豐，因為看了很多畫，亦影了很多相，跟大家一起分享。

不知道天野喜孝是誰的朋友，可以略作介紹，他就是卡通片「神通飛鷹俠」及遊戲「Final Fantasy」的人物設計師。

片段 1 片段2

心頭好

烏蠅都嚇死 貓兒都嚇死 週身機關了不起
用那些純金來做你 自動變戰士

以上一段歌詞，是七八十年代卡通「黃金戰士」的主題曲，由胡偉康主唱，相信年過廿五歲的朋友一定略有印象。

日本人就是一班超級搶錢的民族，他們的動漫畫在世界佔有龍頭地位，連帶商品也愈出愈多，並專攻像我們這群年少時狂看卡通但無錢買玩具的階層，不斷以現代製品技術重現當年大家童年夢想的機械人，像這隻「黃金戰士」，製作精美，關節位多令他可做出多種動作，更稱以18K金電鍍(當然他說的就要信，難道拿去溶掉看看是否真的有點雜碎金粉?)，令他成為我近期新寵，不得不拍幾張照欣賞欣賞。

魚旦檔

辣魚旦，香港人食物文化中的一位老阿哥，亦係王小姐心愛食物之一，某日行經花園街近新世紀廣場扶手梯出口，久聞「津味魚旦粉」的辣魚旦非常美味，介紹王小姐一試。

二十七年來，第一次要排隊買辣魚旦，以前排隊買cheese cake、日式墨魚波之類，都算是買「來路貨」，本地薑要排隊買實屬首次，而食辣魚旦亦是一門高深學問，在於食的時候最好企定定，否則閣下那雙名貴波鞋定必被魚旦汁擊中，令波鞋無端加上港產土炮「魚旦Graffiti」，但此店門外卻掛上「請必在此食魚旦」告示牌。而魚旦的美味，加上他那「串」的告示，已成就他生意興隆。

相聚一刻

當大家都非常忙碌，相處時間減少，王小姐可能又驚我北上包二奶，立刻作出危機處理，日前自發性提出要煮飯，有見上次那段「愛心晚餐」好評如潮，決定開拍續集。

分3集，Click入黎睇 : 前奏 、間場 、尾聲

大家睇完後，係咪發覺同上次的煮法差別不大呢? 因為她就是會這麼多........，預見未來的人生，就像農曆新年指定活動一樣，天天「魚蝦蟹」。