差不多半個月無出品任何文章，係因為太忙太累無時間，精神同肉體的能量每日都只係得可憐的40-50%，但係偶然的一晚，王小姐為表溫柔一面，突然玩煮飯..........
雖然佢所識的餸菜唔會好多兼偏向西化，但經我略為提點，都叫做有少少成績啦(其實以前佢都煮過好多次飯架喇，不過係近呢一年多佢太忙，所以停產多時........)，起碼唔會好似「美女廚房」嗰d咁誇張，一定食得飽同好味!!
至於餸菜方面，有 : 美極煎大蝦、蒸魚、即買即食煙鴨胸，而忽然想飲「白湯」的我再叫佢加多個「忌廉湯」黎飲下，雖然佢真係要落手落腳整的餸只不過係美極煎大蝦同蒸魚，仲要係毫無難度嗰種，但係食飯除左食物的美味之外，煮的人有心就已經可以令到餐飯多一份味道，一份所有食譜裡都永遠都唔會記載的溫情之味。
感謝她經過忙碌的工作後，衫都未換就煮的這一頓飯，好味!!
Click入片段精華 -->> 煎蝦、「叮」湯
沒有留言:
發佈留言