四方會談

報紙教女仕們響世界盃期間點做「好女友」，但就係無教男仕們如何響呢段精神肉體抗戰期，如何為自己叉番兩格電去睇精彩賽事呢!!

今屆世界盃個期真係撞到應一應，適逢我要攪那超重大Project，日頭夜晚都係咁睇書上網搵資料，再唔係就同兩邊屋企人好似開會咁傾詳情，台客老友又返港一星期要聚舊，加上我的「青年渴睡症」日益嚴重，但係賽事就好似食葯咁每日三場(晚上9點12點3點)，晏到不堪的我隻眼已經好dry兼眼訓，食完lunch想訓覺但係"把"響枱度又點好訓架，以前響舊公司返夜班期間，將4張椅排成一列好似露宿者訓公園的絶技(唔好以為好容易呀，當你試過離地平臥響4張有轆的椅度又唔驚跌同保持平衡，就知有一定技巧同難度架喇)，日光日白公司咁多人又點好意思表演呢! 響呢個時候，OSIM的偉大魔力終於都發揮出黎喇，因為公司的Health Club度有兩張OSIM iDesire按摩椅，食完飯第一時間就如曬咸魚般訓番個靚覺，一邊按摩一邊訓，差唔多夠鐘就起身開工，叫做好少少咁啦....

近日都不斷響度睇場地，打電話問詳情咁，問各人意見，好忙，在四方人仕的理念要找到一個平衡點，並唔係想像中咁容易，王小姐又超忙兼夜收工，變左好多時我都要獨擔大旗，再等佢返黎研究，之後又要再諮詢兩大董事局，程序仲煩過罷免陳水扁，再加上我體內的躁狂DNA，情緒指數絶對比近期恒生指數有更大波幅，面對住呢個大Porject，我就竟然有點緊張失措，制作一個令各人滿意的婚禮，就是一件不簡單的事...